Blog Details Home / Blog Details

Maafali ya Kidato cha Nne Shule ya Angelina Mabula 2025

Shule ya Angelina Mabula ipo katika hatua za mwisho za maandalizi ya maafali ya Kidato cha Nne kwa mwaka 2025. Maafali haya yanatarajiwa kuwa ya kipekee, yakilenga kutambua juhudi na mafanikio ya wanafunzi wanaomaliza elimu ya sekondari mwaka huu.

Mkuu wa shule, Mwalimu Joas Malima Maugo, ameeleza kuwa maandalizi yanaendelea vizuri na kamati mbalimbali zimeundwa kuhakikisha kila kitu kinakwenda kwa mpangilio mzuri. Alisisitiza pia kuwa maafali hayo yatakuwa nafasi nzuri ya kusherehekea mafanikio ya wanafunzi na kuhimiza bidii zaidi kuelekea mitihani ya taifa (NECTA).

Wanafunzi, walimu na wazazi wameonyesha hamasa kubwa katika maandalizi haya, huku mazingira ya shule yakipambwa kwa mandhari maridadi kuashiria tukio hilo muhimu linalotarajiwa kufanyika hivi karibuni.

Tunaendelea kuwakaribisha wazazi, walezi na wadau wote wa elimu kujiandaa kushiriki nasi katika sherehe ya maafali ya Kidato cha Nne 2025, tukio litakalobeba kumbukumbu ya kipekee katika historia ya Shule ya Angelina Mabula.